علق حسين كامل، والد المطرب حسام حبيب على حلقة نجله مع الإعلامية بسمة وهبة في برنامج “العرافة” المُذاع على قناتي “النهار” و”المحور”.
فرقعة إعلامية
وقال والد حسام حبيب لـ “تليجراف مصر”: “حسام لما قال ظلمنا معاه ده لما شيرين طلعت مع لميس الحديدي وشتمته وشتمت أهله، واللي حسام عمله في حلقة بسمة وهبة ده مالوش لازمة هو عايز فرقعة إعلامية وأتحداها ومش أتحداها كل ده مالوش لازمة”.
وأضاف والد حبيب: “لو كانت بسمة وهبة عايزة تعمل حلقة جامدة فده مش وقته، الموضوع عدى عليه كتير، وياريت هو يسيب الست في حالها ويركز هو في شغله بقى ويتجوز، وأنا نصحته كتير بس واضح إنه مفيش فايدة”.
تفاصيل الأزمة
وفي خلال لقاء حسام حبيب مع الإعلامية بسمة وهبة ببرنامج العرافة، وجه حبيب مجموعة من الأسئلة لـ شيرين أثناء لقائه في برنامج العرافة مع بسمة وهبة قائلًا: “أنا لما أقول حسام حلق لي شعري كنا فين؟ كنا في البيت؟ ودلوقتي أنا بسأل شيرين وبديلها الفرصة إنها تطلع وتقول التفاصيل وعليها إثباتها لإني أنا هطلع وهرد وهحكي بالتفاصيل وبإثباتاتها برضه”.
وأضاف أنه يريد الإجابة من شيرين على تلك الأسئلة التي قام بطرحها وبالتفاصيل كاملة، نظرًا إلى أنه كان هناك لشهود عيان وأماكن، مشيرًا إلى أنه سيقوم باستخدامهم لإنهاء تلك القصة وليس لكي يصبح هو منتصرًا قائلًا: “عايز أنهى القصة دي علشان كفاية أذى وبس مش ليا ده للناس اللي حواليا كمان وأهلي اللي أنا بعتذرلهم وبقولهم أنا آسف”.
شيرين دمرتني
كما قال حبيب إن شيرين هي من دمرته، ودمرت علاقته مع عائلته رغم أنهم لم يستحقوا هذا منها على الإطلاق، مشيرًا إلى أنه يوم حلاقة شعرها طلبت منه الطلاق بأسلوب غير لائق قائلة له: “تبقى مش راجل لو مطلقتنيش” طالبًا منها تصرح لماذا قالت تلك العبارة وما هو رده عليها وقتها.
