تصدر عدد من نجوم الفن الترند خلال الفترة الماضية بعد تلقيهم حقن التخسيس لمساعدتهم على إنقاص الوزن بطريقة سريعة ولكن أثرت على حالتهم الصحية بشكل سلبي.
ونرصد في هذا التقرير الفنانين الذين عانوا من مشاكل صحية بسبب حقن التخسيس وكانت أخرهم الفنانة هند عبد الحليم.
هند عبد الحليم
كشفت الفنانة هند عبد الحليم تفاصيل تعرضها لوعكة صحية شديدة، قائلة ” أنا تعرضت لشلل مؤقت في المعدة بسبب حقن التخسيس وحاليا بدأت اتحسن “.
وتابعت :” انصح كل الناس ألا يستخدموا هذه الحقن إلا تحت إشراف الطبيب وبعد إجراء العديد من الفحوصات الطبية اللازمة “.
خالد الصاوي
كشف الفنان خالد الصاوي، عن رأيه في أفضل نظام غذائي لإنقاص الوزن، مشيرا إلى أن العمليات الجراحية أمر غير محبب بالنسبة له بالمرة، محذرا من الحقن التي تساعد على التخسيس.
وقال الصاوي خلال لقائه في برنامج “كلام الناس” مع الإعلامية ياسمين عز: أنا خسيت 20 كيلو وناقص 20 كمان، وعايز أحذر الناس أنا أخدت الحقن حصلي كارثة بعد 3 أو 4 شهور حقنة منهم أدت إلى توقف الجهاز الهضمي وروحنا المستشفى وقعدت يومين».
إلهام شاهين
وكشفت إلهام شاهين هن تلقيها حقن للتخسيس للإنقاص الوزن بسرعة لكنها أثرت على حياتها الصحية بالسلب قائلة ” أنا خدت حقن بس مبنصحش حد ياخدها، بتجيب نتيجة قوية جدًا لكن بتتعب صحيًا، أنا ضعفت صحيًا مش بس ضعفت حجمًا، بتتاخد لفترة صغيرة لكن أنا بقالي كتير باخدها فعلشان كده ضعفت”.
واستكملت: “لازم تتاخد مع دكتور مش حد ياخدها من دماغه، لأن فيه ناس بتسمع مننا حقن تروح تشتريها وتاخدها وده مؤذي، فعايزة أنصح إن لازم تتابعوا مع دكاترة”.
