قدمت السباحة المصرية فريدة عثمان، تعازيها لأسرة السباح يوسف محمد، في فيديو عبر “ تيك توك” رفقة والدتها، معربتان عن رغبتهما في تقديم واجب العزاء لأسرة الفقيد.
فريدة غثمان تقدم تعازيها لأسرة يوسف محمد
وقالت فريدة عثمان عبر المقطع: “مساء الخير أنا بعتذر جدًا عن التأخير بس أنا كنت مسافرة سويسرا وكنت معزومة من الاتحاد الدولي للسباحة لمناقشة تطوير اللعبة، بس طبعًا أنا متابعة كل حاجة وحزينة جدًا وقلبي متقطع عشان فقدنا بطل واعد من أبطال مصر زي يوسف محمد”.
وأضافت: “عايزة أتواصل مع أهل يوسف عشان عايزة أعزيهم، ربنا يصبرهم ويربط على قلوبهم”.
وتابعت: “أنا اتكلمت كتير عن التطوير اللي المفروض يحصل في السباحة المصرية، بس إن إحنا نوصل لدرجة إن ولد 12 سنة يموت في بطولة الجمهورية، ده خط أحمر يعني لازم واقفة”.
وأردفت: “اتأثرت جدًا لما شوفت الفيديوهات بتاعت زمايل يوسف والسباحين من جميع المراحل وهما واقفين جنبه لإنه واحد مننا، كلنا حاسين بالوجع وأنا معاهم وإن شاء الله ربنا هيجيب حق يوسف”.
والدة فريدة عثمان
فيما قالت والدة فريدة عثمان: “أنا عايزة أضم صوتي لصوت فريدة، أنا كأم عشت التجربة دي معاها من وهي صغيرة وقادرة أفهم بالظبط اللي والدة ووالد يوسف حاسين بيه، كلنا كأولياء أمور بنتعب جدًا مع أولادنا ودايمًا بنفكر إننا عايزينهم في أمن وسلام”.
واختتمت: “إن شاء الله ربنا هيجيب حقه وأنا وفريدة عايزين بجد نيجي نعزيكوا، لإننا حاسين بالمأساة اللي أنتم عايشين فيها، ربنا يصبركم ويربط على قلبكم”.
كواليس اللحظات الأخيرة في حياة يوسف محمد
وشهد الوسط الرياضي حالة من الحزن الشديد، عقب وفاة السباح الناشئ يوسف محمد، لاعب نادي الزهور والبالغ من العمر 12 عامًا، بعد مشاركته في سباق ضمن بطولة الجمهورية المقامة باستاد القاهرة، حيث سقط الطفل بعد انتهاء السباق ليتم نقله إلى المستشفى في حالة حرجة.
تقرير مستشفى دار الفؤاد يكشف تفاصيل اللحظات الأخيرة
وأصدر مستشفى دار الفؤاد تقريرًا رسميًا يوضح ملابسات وفاة السباح الناشئ، كاشفًا عن الحالة الصحية الدقيقة التي وصل بها للمستشفى والإجراءات الطبية التي تمت لمحاولة إنقاذه.
About the Author
